Pas deklaratës para mediave të kryetarit të AAK-së, Ramush Haradinaj për takimin me kryeministrin Albin Kurti, qeveria ka dalë me komunikatë për të treguar detajet e anës së tyre.

Ky takim, i cili është cilësuar përmbajtësor, u diskutua për procesin e dialogut, idetë, modelet dhe opsionet për elementet kryesore të marrëveshjes ndërmjet Kosovës dhe Serbisë të cilat po qarkullojnë nga e nëpër kancelaritë perëndimore e demokratike, e që në këtë periudhë funksionojnë si sprova dhe testime.

“Kryeministri Kurti e njoftoi kryetarin e AAK-së, z.Haradinaj për takimet në Bruksel dhe Prishtinë, konstruktivitetin dhe kreativitetin e Kosovës përgjatë gjithë procesit të bisedimeve, i cili duhet përmbyllur me normalizim të plotë të marrëdhënieve me njohjen reciproke në qendër. Kurti e falënderoi kryetarin e AAK-së z.Haradinaj për interesimin e vazhdueshëm dhe të qenurit aktiv për këtë çështje”, thuhet në komunikatë, transmeton Klankosova.tv.

Në këtë takim, të cilin e kanë refuzuar kryetari i PDK-së, Memli Krasniqi dhe ai i LDK-së, Lumir Abdixhiku, mori pjesë edhe nënkryetari i AAK-së, Ardian Gjini dhe zëvendëskryeministri i parë Besnik Bislimi. /arbresh.info/

lexo edhe:

Haradinaj arrin në Qeveri, nis takimin me Kurtin